Хоразм вилоятида Урганч шаҳар ҳокимига иккита янги ўринбосар тайинланди, деб хабар беради шаҳар ҳокимлиги ахборот хизмати.
Президент Администрациясининг 2021 йил 6 апрелдаги розилик хати билан «Маҳаллий давлат ҳокимияти тўғрисидаги» қонуннинг 21 ва 24-моддаларига мувофиқ Нодирбек Бабажонов Урганч шаҳар ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари лавозимига тайинланган.
Нодирбек Бабажонов бунгача Ўзбекистон Президенти Администрациясининг «Қурилиш бирлашмаси» бошқармасида иш бошқарувчи лавозимида ишлаган.
Шунингдек, Қаҳрамон Кенжаев Урганч шаҳар ҳокимининг ўринбосари — маҳалла ва оилани қўллаб-қувватлаш бўлими бошлиғи лавозимига тайинланган.
Қаҳрамон Кенжаев тайинловга қадар Урганч тадбиркорлик ва сервис касб-ҳунар коллежи директори лавозимида фаолият юритган.
Аввалроқ Ўзбекистон ёшлар иттифоқи раиси Сергели тумани ҳокимининг биринчи ўринбосари этиб тайинлангани, шунингдек, Тошкент вилояти ҳокимига янги ёрдамчи ва маслаҳатчи, вилоят ХТБ бошлиғи тайинлангани тўғрисида хабар берилганди.
Изоҳ (0)