Ўтган бир сутка ичида Тошкент ва Нукус шаҳарлари ҳамда вилоят марказларида коронавирус инфекциясига қарши яна 15 250 киши эмланди, деб хабар бермоқда Соғлиқни сақлаш вазирлиги матбуот хизмати. Бу вакцинациянинг илк ҳафтасидаги энг юқори натижа ҳисобланади.
Ўзбекистонда шу кунгача коронавирус инфекциясига қарши эмланган фуқаролар сони 64 852 нафарга етди.
7 апрель кунидаги эмлаш кўрсаткичлари бўйича юқори ўринларни
- Наманган вилояти (2521 нафар),
- Самарқанд вилояти (1732 нафар),
- Тошкент вилояти (1539 нафар),
- Андижон вилояти (1529 нафар),
- Тошкент шаҳри (1394 нафар),
- Қашқадарё вилояти (1381 нафар)
- Жиззах вилояти (1061 нафар)
- Қорақалпоғистон Республикаси (1030 нафар) банд қилди.
Улар AstraZeneca ва Ўзбекистон—Хитой ҳамкорлигида ишлаб чиқилган ZF-UZ-VAC 2001 вакцинаси билан эмланмоқда. Бунда эмланувчи биринчи эмланишни қайси вакцина билан бошласа, иккинчисини ҳам айнан ўша вакцина билан якунлайди.
Изоҳ (0)