Ўзбекистонга 2021 йилнинг январь–февраль ойларида хориждан 1,5 миллион долларга 85 та электромобил импорт қилинган. Бу 2020 йилнинг мос даврига нисбатан 78 тага кўп, деб ёзмоқда «Gazeta.uz» Давлат статистика қўмитаси маълумотларига таяниб.
2020 йил давомида Ўзбекистонда 2,9 миллион долларга 131 та электромобил импорт қилинган. Шундай қилиб, 2021 йилнинг дастлабки икки ойида мамлакатга 2020 йилдаги электромобиллар импортининг қарийб 65 фоизи келтирилган. 2019 йилда бу кўрсаткич 39, 2018 йилда эса 13 тани ташкил қилган. Ўзбекистонда электромобиллар импорти икки йилда 10 баробарга ошди.
2021 йилнинг январь–февраль ойларида Ўзбекистон асосан Хитойдан келтирилган (55 та). Ундан кейинги ўринда Туркия (24 та), Корея (3 та), АҚШ (2 та) ва Литвадан (1 та) импорт қилинган.
Ўзбекистонда электромобиллар учун йиғим тўлашни бекор қилиш таклиф этилгани ҳақида хабар берилган эди. Ушбу йиғимни бекор қилиш Вазирлар Маҳкамасининг 2020 йил 29 декабрдаги қарорида кўзда тутилганди. Айни пайтда Ўзбекистонда электромобиллар импорти бож ва акциз солиғидан озод қилинган.
Изоҳ (0)