АҚШда ҳозирги кунга қадар машҳур ҳисобланувчи Гамбино мафия оиласига тегишли бўлган 1960 йилги Chevrolet Impala сотувга қўйилди. Сотувчи жанговар ўқлардан илма-тешик бўлган автомобиль учун 20 минг доллар сўрамоқда, деб хабар беради Motor.
Сотувга қўйилган Impala моделнинг иккинчи авлодига тааллуқли. Автомобиль хардтоп-купе ва кабриолет кузволарида чиқарилган. Машинанинг ташқи кўриниши кўплаб америкаликларга маъқул келган учталик орқа фаралари билан ажралиб туради. Бу каби моделни харид қилганлар орасида халқ орасида «Катта Полли» номи билан танилган Пол Кастеллано ҳам бор.
Келиб чиқиши асли итальян бўлган америкалик Кастеллано жиноий оиласининг аъзоси бўлган, кейинроқ эса Нью-Йоркдаги жиноят оламини назорат қилувчи «бешта оила»дан иборат Гамбино мафия тўдасига раҳбарлик қилган. Impala узоқ йиллар мафияга хизмат қилган ва номаълум сабабларга кўра автомобиль гаражларнинг бирида узоқ вақт қолиб кетган.
Эълон қилинган суратларга кўра, Impala бир неча бор отишмаларда иштирок этган. Автомобиль кузовида ўқ излари ва шикастлар сақланиб қолган, ҳайдовчи ўриндиғига эса қурол учун ғилоф тикилган. Автомобильнинг жиноят олами вакилларига тегишли эканлигини исботловчи яна бир далил — машина ғаладонида Кастеллано оиласи томонидан самолётга харид қилинган эски чипталар борлиги.
Chevrolet Impala 230 от кучига эга 4,6 литрли В8 двигатели ёрдамида ҳаракатга келади. Motor икки поғонали автомат трансмиссия ёрдамида бошқарилади. Сотувчининг сўзларига кўра, потенциал харидордан автомобилни қайта тиклаши учун анча вақт ва маблағ талаб этилади.
Аввалроқ АҚШда «Чўқинтирган ота» фильмидаги Cadillac лимузини аукционга қўйилгани тўғрисида хабар берилганди.
Изоҳ (0)