Болгария пойтахти Софияда Россия фойдасига жосуслик қилганликда гумонланган бир неча киши қўлга олинди. Бу ҳақда BNТ Болгария миллий телеканалига асосланиб, «РБК» хабар берди.
Ҳибсга олинганларнинг аниқ сони ҳақида маълумот берилмаган. BNТ маълумотларига кўра, гумонланувчилар ҳибсга олингандан сўнг Софиянинг жанубий туманлари ва Перник шаҳри яқинидаги бир нечта манзилларда тинтув ўтказилган.
«bТВ Новините» телеканалининг манбаларига кўра, тинтув операцияси Болгария давлат хавфсизлик хизмати ва Ички ишлар вазирлиги ходимлари томонидан амалга оширилган. Улар Софиядан «Тракия» магистрали бўйлаб Пловдив шаҳри томон кетаётганларнинг ҳужжатларини текширган. Дастлабки маълумотларга кўра, ушбу йўлда гумонланувчилардан бири қўлга олинган эди.
НОВА телеканали гумонланувчилар махфий маълумотларга эга Болгария амалдорлари гуруҳи эканини хабар қилди. Шунингдек, «24 часа» газетаси ҳибсга олинганларнинг Россия фуқароси эмаслиги ҳақида хабар берган.
Ҳукумат жосусликда гумон қилинганларнинг ҳибсга олинганини ҳали тасдиқламади.
Аввалроқ Россияда махфий маълумотларни Хитойга етказган эркак саккиз йилга колонияга ҳукм қилингани ҳақида хабар берилганди.
Шунингдек, АҚШда собиқ ҳарбий хизматчи Россия фойдасига жосуслик қилишда айбланиб ҳибсга олинган. Айбланувчи 45 ёшли Питер Деббинс. Ҳукумат маълумотларига кўра, у 1996 йилнинг декабридан 2011 йилнинг январига қадар Россия разведкаси билан алоқада бўлган. Адлия вазирлиги хабарида қайд этилишича, 1997 йилда у Россия фойдасига ишлашга розилигини тасдиқловчи ҳужжатни имзолаган.
Изоҳ (0)