Oppo компанияси Marvel киноолами ишқибозлари учун мўлжалланган смартфон — Reno5 Marvel Edition’ни тақдим этди, деб хабар беради «Rozetked». Смартфон Oppo Reno5 4G базасида яратилган.
Фото: «Rozetked»
Marvel Edition қурилмаси орқа томонида Avengers логотипи туширилган, махсус кўринишга эга қурилма ўз ишқибозлари учун алоҳида жамланмага эга бўлган. Фойдаланувчи қутида телефон билан бирга гарнитура, қувватлантиргич, Marvel дизайнидаги ғилоф, SIM-карта учун скрепка ва қувватлантириш кабелини ҳам қўлга киритади.
Фото: «Rozetked»
Қолган жиҳатлари билан смартфон худди Reno5 4G’даги каби Full HD+ сифатни қўллаб-қувватлайдиган ва 90 герцли янгиланиш частотасига эга оддий 6,4 дюймли AMOLED-дисплей билан жиҳозланган.
Фото: «Rozetked»
Қурилма ичига Adreno 618 графикасига эга Snapdragon 720Г процессори, 8 гигабайт тезкор ва 128 гигабайт ички хотира ўрнатилган. Олд томонидан қирқимдан 44 мегапикселли фронтал камера ўрин олган. Асосий камера тўртта сенсордан иборат: 64+8+2+2 Мп. Аккумулятор сиғими 4310 мА/соат бўлиб, 50 ваттли тезкор қувватланиш функциясига эга.
Фото: «Rozetked»
Oppo Reno5 Marvel Edition’ни 395 долларга харид қилиш мумкин. Ҳозирда модель фақат Индонезия бозори учун чекланган миқдорда чиқарилган.
Мавзуга доир: Oppo’нинг инсон кўзи илғай олмайдиган деталларни суратга олишга қодир микроскоп-камераси қандай ишлайди?
Аввалроқ Oppo Х 2021 «рулон-смартфони» янги «жонли» кадрларда намойиш этилган эди.
