Asus компанияси Qualcomm Snapdragon 888 процессори ва жуда тез ишлайдиган дисплейга эга ROG Phone 5 смартфонини тақдим этди, деб хабар беради Hi-Tech.Mail.ru.
Биринчи ROG Phone’ни яратишда ихтирочилар унга нафақат машҳур чипни ўрнатиш, корпусни қорага бўяб, «Геймерлар учун» деган ёрлиқни ёпиштиришни истаган. Смартфонни геймерлар учун максимал даражада қулай қилиш мақсади ҳам бўлган. Кейинги ROG Phone 2 ва Phone 3 моделлари тезкор дисплей, кучли овоз ва сиғими 6000 мА/соатга тенг батарея билан жиҳозланган. Asus’нинг таъкидлашича, улар шунчаки янгиланиш бўлган, ROG Phone 5 эса ҳақиқий янги аппарат ҳисобланади. Моделлар номидаги «тўрт» қаерга йўқолди? Хитойликлар учун омадсиз бўлган рақам ташлаб кетилган.
ROG Phone 5 дизайни ўзидан олдинги моделга ўхшайди, бироқ бу сафар муҳандислар япон анимеларидан, хусусан, Akira’дан илҳомланган. Сотувга икки хил рангда чиқади — оқ ва қора, ҳар бирининг орқасида нуқтали RGB Dot Matrix ёритиш тизими мавжуд. Эндиликда улар кўпроқ эффектларни намойиш этиши мумкин ва чиройли градиент учун икки хил рангни бир вақтнинг ўзида ёқа олади. Anime Matrix каби ёритиш тизимини ROG Zephyrus G14 ноутбугида ҳам учратиш мумкин, ROG гаджетларининг изчиллиги дарҳол кўзга ташланади.
ROG Phone 5 янги Qualcomm Snapdragon 888 процессорида ишлайди, унинг самарадорлиги ROG Phone 3’га ўрнатилган Snapdragon 865 Plus’дан 25 фоизга юқори. Шунингдек, уни 16 гигабайтли LPDDR5 тезкор хотираси ва 128/256 гигабайт — ички UFS 3.1 хотираси тўлдириб туради. Бундан ҳам каттароқ тезкор хотирага эга версиялари ҳам бўлади. Қурилма Wi-Fi 6E ва 5G Sub6 тармоғини қўллаб-қувватлайди.
Asus ўзининг янги қурилмасига X-Mode ва X-Mode+ режимларини ҳам қўшган, бунинг ёрдамида процессор максимал ишлайди: CPU ва GPU частоталари ҳам, дисплей ва сенсор ҳам максимумга чиқади. Режимлар фақатгина смартфонга AroAvtive Cooler 5 кулери уланганида ишга тушади. Процессор эндиликда унинг қоқ остида — смартфон марказида жойлашган ва у CPU ҳароратини 10 даражага, корпусникини эса 15 даражага туширади. Буғлантирувчи 3D камера ҳам совутишга ёрдам беради.
Созламалардан энг чуқур даражада шуғулланишни истаган фойдаланувчиларга ROG жамоаси Hardcore Tuning опциясини тақдим этади. Бироқ махсус оверклокинг билимларисиз ундан фойдаланмаган маъқул.
Натижа — ROG Phone 5 AnTuTu бенчмаркида янги рекорд ўрнатди: у Xiaomi, Samsung ва ҳатто IQOO7 флагманларини ортда қолдириб, 742 776 балл тўплаган. Ganshin Impact каби «оғир» ўйинларда у рекорд дараждаги 55 FPS’ни намоён этади, шу билан бирга, четлари қўлни куйдирмайдиган даражада қизийди. Юқори FPS ўйин бир соат давом этганидан кейин ҳам барқарор бўлиб қолади.
Дисплей борасида ҳам ROG Phone 5 олдинги авлога нисбатан янгиланган. Асосий фарқи — жавоб қайтариш вақти: ушланиб қолиш — 24,3 миллисония. Кўз билан илғаб бўлмас кўрсаткич, бироқ ўйин вақтида фойдаланувчининг сигнали экрандан тепкига тез боради ва у рақибидан кўра тезроқ отиши мумкин. Бир хил реакциялари икки ўйинчи дуэлида ROG Phone 5 эгаси ғолиб бўлади.
Умуман олганда дисплей — топ синфга киради. Унга Samsung томонидан ишлаб чиқарилган 6,78 дюймли эксклюзив Super AMOLED матрица ўрнатилган, тасвирнинг янгиланиш частотаси 144 герц, HDR10+ функциясини қўллаб-қувватлайди, сенсор 300 герц частотада ҳам ишлай олади — янги рекорд. Матрица сўнгги авлод Gorilla Glass Victus шишаси билан ҳимояланган. Asus паст ёритишда ҳам пирпирашларнинг олдини олиш учун DC Dimming опциясини қўшган.
Овоз тизимига ҳам алоҳида эътибор қаратилган. Биринчидан, «адашган ўғил» қайтган — 3,5 миллиметрли аудиоразём. У ROG Phone 3’га ўрнатилмаган эди, афтидан, харидорлар уни яна сўрашган кўринади. Иккинчидан, алоҳида рақамли-аналогли ўзгартирувчи ўрнатилган ва Hi-Res Audio’ни қўллаб-қувватлайди. Учинчидан, ташқи динамиклар ўлчами олдингидек қолган, бироқ уларнинг чиқиш қуввати 21 фоизга ошган. Ҳатто ROG Phone 3 динамиклари ҳам кучли эди, энди эса янада яхшироқ бўлиши керак. Бу билвосита 79 балл бўлиб, DxOMark аудио-рейтингида биринчи ўрин демак.
Батарея сиғими олдингидек қолган — 6000 мА/соат. Бироқ ROG Phone 3 секин қувватланар эди: 30 ваттли адаптердан 2,5 соат. Бу сафар эса анча қизиқарли: 65 ваттли HyperCharge 51 дақиқа ичида 100 фоизга қувватлантиради. Флагманларга хос тезлик. Кабель ўйин вақтида халақит қилмаслиги учун USB-C порти ён томонга жойлаштирилган. Қувватлантиргич смартфон жамланмасидан ўрин олади.
Аккумулятор ҳар бири 3000 мА/соатга тенг иккита батареяга ажратилган бўлиб, улар процессорнинг ён томонларида жойлашган. Бу қувватлантириш вақтида қизишни сезиларли даражада камайтиришга хизмат қилади: агарда ROG Phone 3 модели 40 даражагача қизиган бўлса, ROG Phone 5’да ушбу кўрсаткич 27 даражани ташкил этади. Asus тестига кўра, қувват Cod: Mobile’да 6,4 соатга, Genshin Impact’да эса 2,88 соатга етади.
Asus смартфон билан бирга ўйин аксессуарлари линейкасини ҳам тақдим этган: ROG Kunai 3 геймпади, PS4 ва Xbox One геймпади учун ROG Clip қотиргичи, шунингдек, ҳимоя ғилофлари. ROG Phone’ларнинг янги ва ўтган йилги аксессуарларини бир-бирига қанчалик мос келиши қуйидаги жадвалда келтириб ўтилган:
Тақдимотда смартфонлар камерасига кам эътибор қаратилган, бу геймерлар учун мўлжалланган смартфонларнинг асосий ўзига хос жиҳати эмас. Жамланма олдингидек: Sony IMX686 сенсорига эга 64 мегапикселли асосий ва оптик барқарорлаштиргичсиз, 13 мегапикселли ултра кенг бурчак ва 5 мегапикселли макрообъектив.
Моделлар ва нархлар
Asus ROG Phone 5 март ойида сотувга чиқади:
- ROG Phone 5 8/128 ГБ — 950 доллар;
- ROG Phone 5 12/256 ГБ — 1071 доллар;
- ROG Phone 5 16/256 ГБ — 1193 доллар.
ROG’нинг ҳақиқий ишқибозлари учун янгилик майда сотувга чиқади — 18 гигабайт тезкор хотирага эга ROG Phone 5 Ultimate. Бу каби кўрсаткич аксарият ноутбукларда ҳам йўқ. Унинг дизайни монохром услубда ишланган, орқа панелига иккита сенсор яширинган.
ROG Phone 5 Ultimate улкан қутида сотувга чиқади. Ичидан — ROG-фанатлари учун жамланма: кепка, сочиқ, ниқоб, кулер ва бошқа аксессуарлар ўрин олади. 18/512 гигабайтли версияни 1299 евроага харид қилиш мумкин бўлади.
Изоҳ (0)