OnLeaks ники остидаги машҳур инсайдер Huawei компаниясининг янги P50 Pro флагманининг суратлари билан бўлишди, деб хабар беради Hi-Tech.Mail.ru.
Замонавий смартфонларнинг олд томони билан деярли бир хил, шу сабабли компаниялар ноёб дизайнни орқа қопқоқ орқали тақдим этишга уринмоқда. Huawei камера модуллари атрофига 8 рақами каби иккита жуда катта айланани туширишга қарор қилган.
Инсайдернинг таъкидлашича, компания иккита камерали смартфон тақдим этиши ҳақиқатдан йироқ, шу сабабли катта модуллар ичида бир нечта объектив жойлаштирилиши мумкин. Ёки битта айланада катта камера, иккинчисида — икки ёки учта қўшимча камера жойлашиши мумкинлиги варианти ҳам бор. Қолган жиҳатлари билан Huawei P50 Pro стандарт кўринишга эга: кичик ҳошияларга ва барча томонлари эгилган 6,6 дюймли дисплей, шиша қопқоқ ва металл ром.
Афтидан, янги қурилма Huawei Mate 40 Pro’га ўрнатилган Kirin 9000 процессорида ишлайди. Смартфонга оид қолган тафсилотлар унинг анонси аввалида пайдо бўлади — қурилма яқин ойларда тақдим этилиши керак.
Huawei P50 Pro’нинг нархи қанча бўлиши ҳам ҳозирча номаълум, ундан олдинги модель — P40 Pro’нинг нархи 950 доллардан бошланган.
Аввалроқ Huawei Mate 40 ва iPhone 12’нинг сув ўтказмаслик қобилияти кир ювадиган машинада «текшириб кўрилгани» тўғрисида хабар берилганди.
Изоҳ (0)