Москвадаги турар жой комплексларидан биридаги кўп қаватли автотураргоҳда бошқарувни йўқотган Porsche Macan ҳайдовчиси деворни тешиб қўйди. Кўнгилсиз ҳодиса оқибатида оқ кроссовернинг олд қисми учинчи қаватдан чиқиб, ердан бир неча метр баландликда осилиб қолган, деб хабар беради Motor.
Ноодатий авария 9 март куни тонгда Коломенск кўчасидаги «Ривер Парк» турар жой мажмуасининг автотураргоҳида содир бўлган. Macan бинонинг ташқи панелини тўлиқ тешиб ўтган ва олд ғилдираклари билан ташқарига чиқиб қолган.
Telegram’даги Life Shot каналининг маълумотларига кўра, кроссовер «Нефтехимик» хоккей клубининг собиқ ўйинчиси Денис Казиновга тегишли. Авария жойидан олинган суратларга кўра, Porsche ҳайдовчисига жароҳат етмаган.
Macan’нинг паркинг девори билан тўқнашувига айнан нима сабаб бўлгани ҳозирча номаълум — фақатгина ҳайдовчи бошқарувни эплай олмагани айтилмоқда.
Аввалроқ Москва вилоятидаги Долгопрудний шаҳрида аёл киши бошқарувидаги Mercedes-Benz автотураргоҳнинг тўртинчи қавати деворини тешиб қўйгани тўғрисида хабар берилганди.
Изоҳ (0)