«Formula-1»нинг навбатдаги мавсумида хавфсизлик автомобилларини етказиб бериш борасидаги Mercedes-Benz’нинг 25 йиллик монополиясига нуқта қўйилади — Гран-прининг 23 тадан 12 тасида рейфти-кар роли Aston Martin Vantage’га юкланади. Барча пойгаларда тиббиёт автомобили вазифасини Aston Martin DBХ кроссовери бажаради — у Mercedes-AMG C 63 S Estate универсалининг ўринини эгаллайди, деб хабар беради Motor.
Aston Martin Vantage сейфти-карларидан (хавфсизлик машиналари) «Қироллик пойгалари»да Mercedes-AMG GТ-R билан параллел фойдаланилади, бироқ «Formula-1» раҳбарлари ҳозирча Британия купесидан қайси босқичда фойдаланилишини маълум қилмаган. Янги Aston Martin машиналарининг двигателлари 12—14 март кунлари Баҳрайнда ўтказиладиган тестлар сериясида чиниқтирилади.
Aston Martin Vantage хавфсизлик автомобиллар икки эшикли оддий автомобиллардан фарқ қилади: унга 534 от кучини тақдим этишга қодир 4,0 литрли V8 двигатели ўрнатилган, айланувчи момент «полка»си кенгайтирилган, бироқ энг юқори нуқтаси ўзгармаган — 685 Нм. Шунингдек, саккиз поғонали автомат узатмалар қутиси қайта созланган, рул бошқаруви калибрланган, «подвеска»си қаттиқроқ ишланган.
Махсус қурилмалар ва ёруғлик диодларининг мавжудлигига қарамай сейфти-кар соатига 100 километр тезликка 3,5 сонияда эришади — оддий Vantage версиясидан 0,1 сонияга тезроқ.
Aston Martin DBХ тиббиёт автомобиллар хавфсизлик каркаси, қўшимча ўт ўчиргичлари, дефибриллятор, куйишдан ҳимоялаш жамланмаси ва шифокорлар учун мўлжалланган бошқа қурилмалари билан оддий кроссоверлардан фарқ қилади. DBХ’нинг техник жиҳати стандарт: капоти остидан 550 от кучига эга (700 Нм) Mercedes-AMG’нинг В8 мотори ўрин олган, трансмиссия — 9 поғонали «автомат».
Aston Martin’нинг пойга автомобили ҳам, тиббиёт автомобили ҳам Британия фирмасининг яшил рангига бўялади.
Изоҳ (0)