8 март дастурхони учун байрамона пицца тайёрлаймиз

Албатта, аёллар учун совғага гул ёки ширинлик бериш шарт эмас. Меҳр билан чин юракдан тайёрланган ҳар қандай таом ҳам уй бекажонлари учун сюрприз бўлиши шубҳасиз.

Керакли маҳсулотлар:

Хамир учун:

• ун − 200 грамм;
• хамиртуруш − 4 грамм;
• туз − 1/2 чой қошиқ;
• шакар − 1/2 ош қошиқ;
• сув − 100 мл;
• зайтун ёғи − 20 мл.

• томат пастаси − 50 грамм;
• сув − 20-30 мл;
• орегано − 1 чой қошиқ;
• зайтун ёғи − 2 чой қошиқ;
• колбаса − 10-150 грамм;
• черри помидори − 3-5 дона;
• моцарелла пишлоғи − 150 грамм;
• кўкат, туз ва зираворлар.

1. Элакдан ўтказилган ун хамиртуруш билан аралаштирилади.
2. Туз, шакар, сув ва зайтун ёғи идишга солиниб, ун билан аралаштирилади.
3. Юмшоқ хамир қорилиб, 30-35 дақиқага тиндирилади.
4. Соус учун томат пастаси, зайтун ёғи, сув, туз ва зираворлар аралаштирилади.
5. Хамир иккига бўлиниб, юпқа қилиб ёйилади. Бири каттароқ, иккинчиси эса кичикроқ бўлса, саккиз рақамини ҳосил қилиш осон кечади.
6. Колбаса юракча шаклида кесилади.
7. Тайёрланган соус хамир юзасига суртиб чиқилади. Сўнгра черри помидори ва колбасалар жойлаштирилади. Устидан қирғичдан ўтказилган пишлоқ сепилади.
8. 220 даража печда, тахминан 15 дақиқа давомида пиширилади. Дастурхонга тортишдан аввал кўкатлар билан безатилади.