Сурия президенти Башар Асад ва унинг рафиқаси Асма ал-Асадда коронавирус инфекцияси аниқланди. Бу ҳақда президент идораси Facebook орқали маълум қилди, деб ёзади «РБК».
«Айни пайтда уларнинг аҳволи яхши ва ўзларини изоляцияга олишган», — дея қўшимча қилинади хабарда. Яқин икки-уч ҳафта ичида Асад ва унинг рафиқаси уйидан ишлайди.
«Президент Асад ва Асма хоним сурияликларга ва дунёдаги барча халқларга ушбу вирусдан хавфсизлик ва фаровонлик тилайди ҳамда сурияликларни иложи борича эҳтиёткорлик ва профилактика чораларини кўришда давом эттиришга чақиради», — дейилади баёнотда.
Айни пайтда Башар Асад 55 ёшда, унинг рафиқаси эса 45 ёшда.
Малумот учун, Сурияда 22 февраль куни Россиянинг коронавирусга қарши «Спутник V» вакцинасини қўллаш маъқулланган.
Жонс Ҳопкинс университети маълумотларига кўра, пандемия бошидан бери Сурияда 15,9 минг нафар кишида коронавирус аниқланган, минг киши касалликдан вафот этган.
Аввалроқ Португалия президенти Марселу Ребелу ди Созанинг коронавирус инфекциясига топширган тести мусбат натижа кўрсатгани ҳақида хабар берилганди. Шунингдек, Арманистон президенти Армен Саркисян оиласи билан Янги йил таътилини ўтказиш пайтида Лондон шаҳрида коронавирус юқтириб олган. Президент матбуот хизмати унда касаллик оғир кечганини маълум қилган.
Бундан ташқари, Бразилия вице-президенти, Франция президенти Эммануэль Makroн, Швеция шаҳзодаси Карл Филипп ва малика Софияда ҳамда Украина президенти Владимир Зеленскийда коронавирус аниқланган.
Эслатиб ўтамиз, АҚШнинг собиқ президенти Дональд Трампда 1 октябрь куни коронавирус аниқланганди. АҚШ президенти бир неча кун касалхонада даволанган ва у ердан 5 октябрь куни чиққан. Ноябрь ойининг охирида эса Трампнинг ўғли кичик Дональд Трамп коронавирусга чалинган.
Изоҳ (0)