Мьянмадаги давлат тўнтаришига қарши норозилик намойиши иштирокчиларини тарқатиш давомида камида 18 киши ўлди ва 30 дан ошиқ одам яраланди. Бу ҳақда БМТнинг Инсон ҳуқуқлари бўйича Олий комиссияси расмий вакили Равина Шамдасанига таяниб, «РБК» маълум қилди.
Фото: Getty Images
Хабарга кўра, Янгон, Тавой, Мандалай, Мей, Баго ва Пакхоуку шаҳарларида оломонга қарата отилган ўқлар кишиларнинг ҳалок бўлишига сабаб бўлган. Бундан ташқари, намойишчиларга қарши кўзни ёшлатувчи газ, чақновчи ва шовқинли гранаталардан фойдаланилган. Шу муносабат билан, намойишчилар агар улар жароҳат олган тақдирда, ёрдам кўрсатилиши учун билакларига қон гуруҳи ва яқин қариндошларининг телефон рақамини ёзиб олган.
Шамдасанинг таъкидлашича, БМТнинг инсон ҳуқуқлари бўйича бюроси Мьянмадаги зўравонлик авж олишини қатъиян қоралайди ва ҳарбийларни тинч намойишчиларга қарши куч ишлатишни дарҳол тўхтатишга чақиради. Шу билан бирга, ташкилотнинг Инсон ҳуқуқлари бўйича Олий Комиссияси «ноқонуний ҳибсга олинганларнинг барчаси, шу жумладан, демократик йўл билан сайланган ҳукумат аъзолари» нинг озод қилинишини талаб қилган.
Protesters in Myanmar are standing their ground, even as security forces use live ammo. Reports that 18 protesters were killed today. And still they stand strong against the coup.#WhatsHappeninglnMyanmar
pic.twitter.com/9XrzuLAEvw— Read Mutual Aid by Dean Spade (@JoshuaPotash) February 28, 2021
TW/blood
This 20 years old young boy from Yangon was shot to death by Myanmar Military junta during his peaceful protest. He called his mother before he passed away, and said:
“ MOM... I get Shot!”
Today, at least 26 were killed in Myanmar.#WhatsHappeningInMyanmar#Feb28Coup pic.twitter.com/jpbSLv5TRJ— Thiha Aung (@ThihaAu69908571) February 28, 2021
GRAPHICS: A Myanmar Muslim young man from Mawlamyine, Mon State was shot in the head by #Myanmar police and military. Died on the spot.#WhatsHappeningInMyanmar #Feb28Coup #MilkTeaAlliance #MilkTeaAllianceMyanmar pic.twitter.com/Vhx0sIjuYN
— Ro Nay San Lwin (@nslwin) February 28, 2021
Маълумот учун, 1 февраль куни Мьянма ҳарбийлари мамлакатда ҳокимиятни қўлга киритганини эълон қилди, улар мамлакат президенти ва бошқа юқори мартабали амалдорларни 2020 йил 8 ноябрда бўлиб ўтган «сайловдаги фирибгарликлар»ни текширмаганликда айблаб, ҳибсга олди. Қуролли Кучлар бош қўмондони Мин Аунг Хлайн мамлакатнинг муваққат президенти этиб тайинланди ва мамлакатда бир йил муддатга фавқулодда ҳолат жорий этилди.
Мьянма аҳолиси 6 февраль куни Янгон кўчаларига чиқиб, ҳарбийлар томонидан ҳокимият эгаллаб олинишига қарши чиқди. Мамлакатда оммавий норозилик ва иш ташлашлар бошлангач Транспорт ва коммуникацияларни ривожлантириш вазирлиги 14 февраль куни уяли алоқа операторларига интернетга киришни тақиқлашни буюрди. Натижада 15 февраль куни эрталаб саккиз соат давомида тармоққа кириш имконсизлигича қолди. Аммо кейинчалик интернет алоқаси тикланди.
