Париж суди Франциянинг собиқ президенти Николя Саркозини коррупция, мансабни суиистеъмол қилиш ва тергов сирини ошкор қилишда айблаб, бир йиллик қамоқ жазосига ҳукм қилди. Бу ҳақда «Коммерсантъ» маълум қилди.
Таъкидланишича, Саркозининг панжара ортида қолиши эҳтимолдан йироқ, чунки икки йилгача бўлган жазо одатда қамоқхонада ўталмайди. Унинг суд ҳукми устидан шикоят қилиши кутилмоқда. Саркози суд биносини изоҳсиз тарк этган.
Прокуратура Саркозини тўрт йилга озодликдан маҳрум қилишни талаб қилганди, ундан икки йили шартли равишда ҳукм ҳисобланади. Худди шу шартлар бўйича яна икки судланувчига – адвокат Терри Эрзог ва Кассацион судининг собиқ ходими Гильберт Азиберт учун сўралган. Лекин улар ҳам собиқ президент билан бир хил муддатга ҳукм қилинди.
Тергов маълумотларига кўра, Николя Саркози адвокати орқали Гильберт Азибертга Монакодаги лавозимга тайинлашда ёрдам беришга ваъда берган. Бунинг эвазига собиқ президент «Беттанкур иши» доирасида унинг телефонига қўйилган телефон эшитуви ҳақида маълумот олмоқчи бўлган. Бу L’Oreal эгаси Лилиане Беттaнкурдан сайловолди ташвиқоти учун маблағларни ноқонуний равишда олиш билан боғлиқ эди, бу ҳолатда Николя Саркози оқланди.
Изоҳ (0)