Мадриднинг “Реал” клуби “Ливерпуль” ҳимоячиси Иброҳим Конатени ўз сафига қўшиб олишни режалаштирмоқда. Бу ҳақда Fichajes нашри хабар берди.
Манбага кўра, “қаймоқранглилар” раҳбарияти ҳимоя чизиғини кучайтириш зарурлигини англаган ва ҳозирда уларнинг асосий нишони Конате бўлиб турибди. Қайд этилишича, Мадрид клуби дастлаб “Арсенал” ҳимоячиси Уилям Салибани харид қилишни мақсад қилган эди. Бироқ франциялик футболчи катта эҳтимол билан Лондон клубида қолади ва “Арсенал” билан шартномасини узайтиради. Шу сабабли “Реал Мадрид” ҳимояни мустаҳкамлаш бошқа вариант қидирмоқда.
Иброҳим Конатенинг “Ливерпуль” билан амалдаги шартномаси 2026 йил ёзида якунланади. Мерсисайдликлар раҳбарияти уни жамоада сақлаб қолишни истамоқда, бироқ томонлар ҳозирча янги битим бўйича музокаралар бошламаган. Футболчининг ўзи эса Испания Ла Лигасидан жиддий таклиф бўлса, уни кўриб чиқишга тайёрлигини билдирган. “Реал Мадрид” эса Конатени 2026 йилда эркин агент сифатида қўлга киритишни режалаштирмоқда.
- Иброҳим Конате 2024/25 йилги мавсум “Ливерпуль” сафида жами 42 ўйинда майдонга тушган.
- Ҳимоячи ушбу баҳсларда 2 та гол ва 2 та ассист муаллифига айланган.
- Transfermarkt портали 26 ёшли футболчининг трансфер қийматини 60 миллион еврога баҳоламоқда.
Изоҳ (0)