Бугун,

  • USD 11095.31
  • RUB 173.84
  • EUR 10772.44

«Роспотребнадзор» (Россия Истеъмолчилар ҳуқуқлари ва инсон фаровонлиги соҳасидаги назорат бўйича федерал хизмат) олимлари коронавируснинг «британча» штаммини аниқлайдиган дунёдаги биринчи тест тизимини ишлаб чиқди ва рўйхатдан ўтказди, деб хабар беради «РБК» муассаса баёнотига таяниб.

Фото: «РИА Новости»

Фото: «РИА Новости»

Уни ишлаб чиқиш билан «Роспотребнадзор»нинг эпидемиология бўйича марказий илмий тадқиқот институти шуғулланди.

«Янги тест тизими айнан мутацияга учраган штаммнинг бор-йўқлигини тезкор аниқлайди, бунга ‘британча’ мутацияни самарали амплификация қилиш учун олигонуклеотидларни алоҳида сайлаб олиш орқали эришилган ва вируснинг 106 нусха/мл даражасидаги максимал зичлигига мослаштирилган. Бу вирус юкламаси жуда катта бўлган намуналар учун мутацияни аниқлашда сохта мусбат натижалар келиб чиқишидан сақлайди», — дея «Роспотребнадзор» аниқлик киритган.

Реагентлар тўплами клиник тадқиқотлардан муваффақиятли ўтган ва юқори аниқликка эга. Буни мутацияга учрагани тасдиқланган вируснинг клиник намуналарида ўтказилган синовлар исботлади.

Ушбу технологиялар асосида коронавируснинг бошқа ҳар қандай мутацияларини, шунингдек, тезкор оммавий тестдан ўтказиш талаб қилинадиган бошқа юқумли қўзғатувчиларни аниқлаш учун ҳам тест тизимларини яратиш мумкин.

Декабрь ойи ўрталарида Буюк Британияда коронавируснинг янги мутацияси аниқланганди. Кўпгина мамлакатлар, шу жумладан, Россия Буюк Британияга парвозларни вақтинча тўхтатди. Россиялик вирусолог янги вариантнинг тез тарқалаётгани сабабли у аста-секин эски штамм ўрнини босишини айтган. Январь охирларига келиб, коронавируснинг янги штамми 60 га яқин мамлакатда қайд этилган эди.

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди