Туркиянинг Истанбул шаҳрида кучли қор ёғиши туфайли барча ўқув муассасалари 17 февралга қадар ёпилади. Бу ҳақда губернатор Али Ерликая маълум қилди, деб ёзади «РИА Новости».
Истанбулнинг баъзи туманларида қор қопламининг баландлиги 20 сантиметрга етади.
«Кучли қор ва бўрон ҳосил қилувчи шамол давом этмоқда. Биз барча ўқув муассасаларимиздаги қатнаб ўқишни чоршанба кунигача тўхтатамиз», — дейилади губернатор баёнотида.
Ноқулай об-ҳаво сабабли Босфор бўғози орқали паром қатнови тўхтатилди. Аэропортлар одатий режимда ишламоқда, аммо рейсларнинг бир қисми кечикишлар билан амалга оширилмоқда. Якшанба куни амал қиладиган комендантлик соати (коронавирус пандемияси муносабати билан) туфайли 14 февраль куни Истанбулда жиддий тирбандликлар юзага келмаган, аммо автотранспорт ҳаракати қийинлашиб қолган.
Метеорологлар маълумотларига кўра, Истанбулнинг баъзи ҳудудларида қор қоплами 20 сантиметргача кўтарилган. Синоптиклар прогнозлари бўйича қор ёғиши беш кунгача давом этиши мумкин.
Изоҳ (0)