Канадада пичоқ билан қуролланган олмахон видеога олинди (видео)

Канаданинг Торонто шаҳри марказида ғаройиб олмахон видеога олинди. Бу ҳақда «РИА Новости» хабар беради.

Маълум қилинишича, шаҳарнинг марказий туманларидан бирида яшовчи Андреа Даймон уйининг орқа ҳовлисида юрган олмахонга кўзи тушган. Ҳайвон уй бекасининг шийпон яқинида қолдириб кетган, сабзавотларни артиш учун мўлжалланган пичоғини кўтариб олган. У буюмни бир муддат қўлида айлантирган, ғажиган ва шундан кейин ташлаб юборган.

So apparently knife wielding squirrels are a thing now.... #Squirrels #Toronto #blogto pic.twitter.com/bEDpTqYcS6

— Andrea Diamond (@asdiamond) January 6, 2021

Олмахон иккинчи марта пайдо бўлганида ҳам пичоқ билан қизиққан, дейилади хабарда. Андреа томонидан Twitter’га жойланган олмахон акс этган видео деярли 300 минг марта томоша қилинган.

Аввалроқ Нью-Йоркнинг Риго-Парк даҳасидаги кул ранг олмахонлар кутилмаганда одамларда ҳужум қилгани ҳақида хабар берилганди.