Америкалик аёл аввал ишлатилган диван сотиб олди. Эртаси куни у «жонланди»

Ушбу воқеа Техасда яшовчи Кейли Гилсон бошқа хонадонга кўчиб ўтмоқчи бўлиб, улкан диванини сотишга қарор қилганидан бошланган. У Facebook’даги гуруҳларнинг биридаги кераксиз буюмлар бўлимига эълон жойлаштирганидан сўнг у ердаги ҳажми кичикроқ мебелга кўзи тушди. Аёл келишувга рози бўлиб, сотиб олинган кичикроқ мебелни келаси ҳафта уйига олиб келди.

Диваннинг собиқ эгаси мебелнинг ичидаги бир фанерани олиб ташлагани билан огоҳлантирди. Аммо аёл бунга эътибор бермади, унга жиҳознинг нархи ва ташқи кўриниши ҳам маъқул келганди.

Орадан бироз вақт ўтиб, диванда ғалати нарсалар юз бера бошлаган. Сотиб олинган куннинг эртасигаёқ Кейлининг ўғли унда мушук яшайди, деб айтган. Бироқ аёл ўғлининг сўзларига аҳамият бермаган. Чунки болакай уйда ҳам Эдер Дракон номли уй ҳайвони билан ўйнайди. Аммо у мушукни кўрганини таъкидлашда давом этаверган.

Кейлининг уч ойлик кучукчаси диван устида баланд овоз чиқара бошлаганида, у синчковлик билан диванни текширишга қарор қилган. Мебель остига эгилиб қараганида, у ерда аёлга ҳам икки ўз тикилиб турганини кўриб, ҳайратга тушган. Ҳақиқатан ҳам у ерда мушук бор эди. Қизиғи шундаки, барча жойлар ёпиқ бўлса, мушук қандай қилиб диван остига кириб олган бўлиши мумкин?

Ҳар эҳтимолга қарши Кейли диваннинг собиқ эгасига қўнғироқ қилиб, бу ҳақда хабар берган. Унинг эгаси 20 дақиқа ўтмасиданоқ етиб келган. Маълум бўлишича, у бир кун аввал мушугини йўқотиб қўйган. Уни топиш учун уйининг барча бурчакларини текшириб чиққан, аммо натижа бўлмаган. Кўринишидан, ҳайвон ўзининг севимли диванидан ажралишни истамаган ва у билан кетишни афзал билган. Ўша куни мушук ўз уйига қайтиб кетган ва Кейли янги мебель ичидан яна нимадир чиқиши мумкин бўлса ҳам, ундан фойдаланишни давом эттиришга қарор қилган.