ИИВ ЙҲХББ Қамчиқ довонида қор ёғаётгани сабаб ҳайдовчиларни зарурат бўлмаса кечки пайт йўлга чиқмасликка чақирди.

Кадр: Telegram

Маълум қилинишича, Қамчиқ довонида ҳамон қор ёғмоқда, ҳаво ҳарорати Цельсий бўйича -16 даражага тушган.

«Ҳурматли ҳайдовчилар, қоидаларга амал қилиб, оралиқ масофани сақлаган ҳолда ҳаракатланинг, газ ва тормоз тепкисини кескин босманг», — дейилади хабарда.

Аввалроқ Ўзбекистоннинг барча вилоятларида қор бўрони кузатилаётгани, ҳозирда ҳудудий ЙҲХБ ва йўлга масъул ходимлар томонидан йўлни қордан тозалаш ишларига махсус техникалар жалб этилгани тўғрисида хабар берилганди. Қор ва кучли шамол Андижон ва Хоразм вилоятларининг бир қатор туманларини чироқсиз қолдирган.