Фарҳод Умаров Бухоро вилоятининг Вобкент тумани ҳокими лавозимига тайинланди. Бу ҳақда халқ депутатлари Бухоро вилояти кенгашининг 22 январь куни президент Шавкат Мирзиёев иштирокида бўлиб ўтган навбатдан ташқари сессиясида маълум қилинди.
Фарҳод Умаров ушбу тайинловга қадар Бухоро вилояти ҳокимининг биринчи ўринбосари лавозимида ишлаб келаётган эди. Вобкент тумани ҳокими лавозимида у Баҳодур Бафоевнинг ўрнини эгаллаган — Бафоев президент Шавкат Мирзиёевнинг 2019 йил марти ойидаги Бухорога ташрифидан сўнг Вобкент ҳокимига айланган эди.
Аввалроқ Ботир Зарипов Бухоро вилояти ҳокими лавозимига тасдиқлангани, шу вақтгача инвестициялар ва ташқи савдо вазири ўринбосари лавозимида ишлаб келган Нозимжон Холмуродов эса вилоят ҳокимининг биринчи ўринбосари этиб тайинлангани ҳақида хабар берилган эди.
Хабар тўлдирилмоқда
Изоҳ (0)