Xiaomi’нинг шўъба компанияси ҳисобланувчи Redmi раҳбари Лю Вейбин Weibo ижтимоий тармоғи орқали янги Redmi К40 смартфонининг автономлиги тасвирланган тест натижаси билан бўлишди, деб хабар беради Hi-Tech.Mail.ru.
У смартфон бир марта қувватланиш орқали 10,5 соат ишлагани ва шунга қарамай, аккумуляторининг 64 фоиз қуввати сарфланмагани тасвирланган скриншот билан бўлишган. Ушбу меню у яна бир суткадан ортиқ шу каби режимда ишлай олишини кўрсатади:
Лю Вейбин смартфондан қандай қилиб фойдалангани тўғрисида маълумот бермаган, аммо скриншотдаги графикда қувватнинг бир текисда камайишини кўриш мумкин. Шу сабабли гап кундалик ҳаётда интернет, ижтимоий тармоқлар, суратлар ва бошқа базавий вазифаларни бажаришда фойдаланиш ҳақида кетмоқда.
Redmi К40 тўғрисида ҳозирча батафсил маълумотлар йўқ. Фақатгина у компаниянинг навбатдаги флагманига айланиши маълум — унинг Snapdragon 888 ва MediaTek Dimensity 1200 процессорлари ўрнатилган версиялари сотувга чиқади.
Эслатиб ўтамиз, 2020 йилда Xiaomi компанияси Snapdragon 865 базаси Мi 10 ва Redmi K30 Pro моделларини тақдим этганди.
Изоҳ (0)