Internetda birinchi bor Redmi K40 Pro smartfonining yangi sifatli suratlari paydo bo‘ldi. Qurilma ikkala tomondan ham tasvirlangan, deb yozadi IXBT.

Foto: IXBT

Redmi K40 Pro uchta tomonidan bir xil ingichka va pastki tomonida biroz enli hoshiyalarga ega ingichka ekran bilan jihozlangan. Avvalroq Redmi egilgan displeylardan foydalanishga o‘tishini ma’lum qilgandi, bu esa smartfonlar narxining oshishiga olib keladi. Redmi K40 Pro esa o‘zidan oldingi model kabi zamonaviy bir kristalli Qualcomm tizimi bazasida ishlaydigan eng arzon flagmanga aylanishi kerak. Bugungi kunda ushbu platformani Snapdragon 888 tashkil etmoqda. Smartfonning frontal kamerasi displeyning yuqori qismidagi qirqimda joylashadi.

Qualcomm Snapdragon sammitidan so‘ng Redmi rahbari Lu Veybing brend bir kristalli Snapdragon 888 tizimida ishlaydigan smartfonlarni ishlab chiqaruvchi birinchi kompaniyaga aylanishini ma’lum qilgandi.

Uning asosiy kamerasi orqa panelning yuqori chap burchagidagi blokda joylashgan bo‘lib, asosiy datchik 108 megapikselga teng. Avvalgi ma’lumotlarga ko‘ra, Redmi K40 Pro suyuq kristall ekran, sig‘imi 4500 mA/soatga teng akkumulyator, tezkor quvvatlanish va stereodinamiklarga ega bo‘ladi.

Redmi K40 va Redmi K40 Pro shu yilning yanvar oyida taqdim etilishi kutilmoqda.

Eslatib o‘tamiz, 2020-yilda Xiaomi kompaniyasi Snapdragon 865 bazasi Mi 10 va Redmi K30 Pro modellarini taqdim etdi.