Apple компанияси iPhone 5S билан расман 2019 йилнинг ўрталарида «видолашган» эди — ўшанда iOS 13 гача янгиланадиган қурилмалар рўйхати эълон қилинган ва эски модель ундан ўрин олмаганди, деб ёзади Hi-Tech.Mail.ru.
Смартфон iOS 7 операцион тизими билан ишлаб чиқарилган. У компаниянинг Touch ID бармоқ изи сканерига эга биринчи қурилмаси сифатида кўплаб фойдаланувчилар ёдида қолган — сўнгги маълумотларга кўра, Apple унга қайтишни режалаштирмоқда. iPhone 5S уч хил — Silver, Space Gray, Gold рангларида тақдим этилган.
Ижтимоий тармоқларда тарқалган кадрларда оддий фойдаланувчилар учун мўлжалланмаган iPhone 5S’нинг прототипини кўриш мумкин. У 2012 йилнинг охирда яратилган бўлиб, қурилма ўз муқобилларидан ранги билан фарқ қилади. Халқ тилида графити деб аталувчи Black & Slate Apple қурилмалари линейкасида энг кам «яшаган» ранг ҳисобланади. Бу каби рангда iPhone 5, биринчи авлод iPad мини ва бешинчи авлод iPod Тоuch тақдим этилган.
Қурилмадан фойдаланиш вақтида унинг ранги тез ўчиб кетгани сабаб фойдаланувчилар норозилигига сабаб бўлган. Айнан шу сабабли компания ушбу рангдан фойдаланмасликка қарор қилиб, унинг ўрнини Space Gray’га алмаштирган.
Аввалроқ Apple томонидан 2021 йилда тақдим этиладиган смартфонлар линейкаси iPhone 12с номини олиши тўғрисида хабар берилганди.
Изоҳ (0)