Ўраладиган дисплейлар CES 2021 кўргазмасининг асосий трендига айланадиган кўринади — LG ҳозирда шу каби телевизорлари ва ҳатто «рулон-смартфони»ни ҳам тақдим этишга улгурган. Унинг ортидан TCL компанияси катта тақдимот ўтказиб, икки ён томонидан худди қоғоз каби ўраладиган катта планшетни намойиш этди, деб хабар беради Hi-Tech.Mail.ru.
Бунинг учун TCL ўралган ҳолатда жуда кам жойни эгаллайдиган 17 дюймли эгилувчан дисплейдан фойдаланган. Зарурат туғилганида уни узайтириш ва катта сенсор экранга эга бўлиш мумкин.
Афтидан, TCL’нинг ишчи прототипи мавжуд эмас — у тақдимотда намойиш этилмаган. Бунинг ўрнига бир инсон тоққа чиқиб, йўлни кўриш учун планшетини ёйгани тасвирланган ролик намойиш этилган.
Компания бу каби қурилмаларни келажакда сотишни режалаштирмаяпти — бу фақатгина технология намойиши. LG тажрибаси замонавий дисплейлар эгилиши ва ихчам корпусга жойлаша олиши мумкинлигини кўрсатиб берди, бироқ бу жуда қиммат.
Мавзуга доир: LG Rollable «рулон-смартфони»нинг нархи ошкор бўлди
Изоҳ (0)