Американинг барча штатлари марказлари ва Вашингтонда 16—20 январь кунлари қуролли норозиликлар режалаштирилмоқда. Бу ҳақда Федерал қидирув бюроси (ФҚБ) маърузасида айтилади, деб хабар бермоқда Meduza.
Норозилик намойишларини, ФҚБ маълумотларига кўра, ўта ўнг фаоллар тайёрламоқда. ФҚБ ўз ҳисоботини 2020 йил 29 декабрь куни, АҚШ президенти Дональд Трамп тарафдорлари Капитолийни шиддатли ҳужум билан эгаллашидан бир ҳафта аввал чиқарган.
Ўшанда, 2021 йил 6 январь куни конгрессменлар демократ Жо Байден ғалаба қозонган президент сайловлари натижаларини тасдиқлаши керак эди.
ФҚБ маълумотларига кўра, «ўз мафкурасини қўллаб-қувватлаб, зўравонлик уюштиришга тайёрлиги ҳақида» Boongaloo bois ҳукуматга қарши ўта ўнг ҳаракатнинг «баъзи издошлари» маълум қилган. Yahoo Неwс ёзишича, ҳаракат «умуммиллий қуролли юриш»ни 17 январь куни ўтказишга умид қилмоқда.
6 январь куни Вашингтондаги тўқнашувларда беш киши ҳалок бўлди. Сайлов якунларидан норозилик белгиси сифатида Капитолий биносига келишга Трамп даъват қилган эди, шундан кейин АҚШ конгресси вакиллар палатасига импичмент тўғрисидаги резолюция киритилди.
Резолюция битта айбловдан иборат — қўзғалонга гижгижлаш. Унда айтилишича, «президент Трамп АҚШ ва ҳукумат институтлари хавфсизлигини жиддий хатар остига қўйган».
Изоҳ (0)