Москвада Арманистон бош вазири Никол Пашинян ва Озарбайжон президенти Илҳом Алиев Кремлдаги учрашув пайтида қўл бериб кўришмаган. Бу ҳақда «Пул Н3» Telegram каналига таяниб «Korrespondent.net» хабар қилди.
Пашинян ва Алиев навбатма-навбат Путин билан қўл бериб кўришган, шундан сўнг Кавказ мамлакатлари раҳбарлари ўзаро қўл бермасдан столга ўтирган.
Маълумот учун, 11 январь куни Россия ва Озарбайжон президентлари Владимир Путин, Илҳом Алиев ва Арманистон бош вазири Никол Пашинян ўртасида учрашув бошланди.
Эслатиб ўтамиз, 10 ноябрь куни Тоғли Қорабоғ бўйича битим имзолангани, унга кўра Арманистон бир қатор ҳудудларни Озарбайжонга топширгани ҳақида хабар берилган эди. Мухолифат Пашинян «хоинлик» шартномаси имзолангани сабабли истеъфога чиқишини талаб қилди. Шундан сўнг бош вазир истеъфога чиқишга тайёрлигини маълум қилди.
Изоҳ (0)