Ўзбекистонда коронавирусга қарши ЗФ 2001 вакцинасининг III босқич синовлари доирасида вакцина олган фуқаролар сони 1099 кишини ташкил этди. Бу ҳақда «Халқ сўзи online» хабар бермоқда.
Қайд этилишича, уларнинг ҳаммаси ҳам вакцина билан эмланмаган, айримларига плацебо, яъни вакцина билан бир хил кўринишга эга, ўзида номзод вакцина ёки дори воситасини сақламаган бирикма юборилган.
Ушбу синов икки томонлама номаълум бўлганлиги учун на шифокор ва на кўнгилли вакцина ёки плацебо олганини билмайди. 4 январь куни вакцина синовларида иштирок этган фуқароларнинг сони 72 нафар кўнгиллини ташкил этди.
Ўзбекистонда ушбу вакцина клиник синовлари бошлангани 10 декабрь куни маълум қилинган. 29 декабрга келиб жами 830 нафар кўнгилли ушбу вакцина билан эмланганди. Шу куни вакцина синовлари давридаги энг кўп — 191 нафар кўнгилли эмланган.
Ушбу тадқиқот бутун дунё бўйича бир неча марказларда 18 ёшдан ошган жами 29 000 кўнгилли иштирокчини қамраб олади.
Вакцина синовларида иштирок этишни истаганлар ушбу ҳавола орқали рўйхатдан ўтиши мумкин.
Аввалроқ Ўзбекистон инновацион ривожланиш вазири Хитой вакцинаси масаласида аҳолини хотиржамликка чақириб, синовда оила аъзолари ҳам қатнашаётгани, Тошкентда давом этаётган коронавирусга қарши вакциналар синовида ҳозирча ножўя таъсир аниқланмаганини маълум қилганди.
Шунингдек, вазирлик вакцинанинг ушбу синови 14 ой давом этишини маълум қилган.
Мавзуга доир:
- Ўзбекистонда Хитой вакцинаси синовида акс таъсир кузатилса ёки кўнгиллилардан бири вафот этса қандай йўл тутилади?
- Ўзбекистонда коронавирусга қарши Хитой вакцинасининг синови учун кўнгиллилар қай тартибда саралаб олинади?
- Ўзбекистонда 2021 йилнинг июнигача аҳолининг 60 фоизи коронавирусга қарши эмланади
Изоҳ (0)