М39 Тошкент—Термиз автомобиль йўлининг умумий ҳисобда 21 километрини реконструкция қилишга 40,7 миллион доллар маблағ йўналтирилади. Бу ҳақда Вазирлар Маҳкамасининг 2020 йил 31 декабрдаги қарорида сўз боради.
Мазкур автомобиль йўлининг 1395—1400-километрлари ва 1410—1426-километр оралиғидаги қисмларининг реконструкцияси Ислом тараққиёт банкининг 35,1 миллион доллар миқдоридаги 20 йил муддатга ажратилган қарзи ҳисобига амалга оширилади. Қолган 5,5 миллион долларни Ўзбекистон солиқ имтиёзларини бериш шаклида ажратади.
Ҳужжатга кўра, Ислом тараққиёт банкининг қарзини қайтариш, жумладан, фоизларини тўлаш, воситачилик тўловлари ва бошқа харажатлар билан боғлиқ тўловлар Ўзбекистон бюджети маблағлари ҳисобидан амалга оширилади.
Аввалроқ Ислом тараққиёт банки Тошкент—Термиз автомобиль йўлининг 100 километрини реконструкция қилиш ишларида қатнашган эди. Лойиҳа 167,2 миллион долларга баҳоланганди. Пудратчи сифатида Озарбайжоннинг Akkord Industry Construction Investment Corporation компанияси иштирок этган.
Изоҳ (0)