2020 йилнинг 31 декабрь куни Uzbekistan Airways янги Airbus A320 Neo лайнерини қабул қилиб олди. Бу ҳақда CAPA Fleet Database маълумотлар базасига таяниб, Spot хабар берди. Мазкур янги самолёт компания паркидаги 12-Airbus’га ва ҳисоб бўйича тўртинчи Neo’га айланди.
Самолёт 138 та «эконом-класс» ва 12 та «бизнес-класс» ўринлари билан жиҳозланган. Шунингдек, унинг бортида замонавий мультимедиа тизими жамланмаси ҳамда интернет мавжуд.
Airbus A320 Neo янги LEAP-1А двигателлари ҳамда фюзеллажи конструкцияда фойдаланилган замонавий технологиялар шарофати билан ўзидан олдинги моделлардан 20 фоизга тежамкорроқ ҳисобланади. Самолётнинг парвоз масофаси 4,5 мингдан 6 минг километргача ошган.
Эслатиб ўтамиз, биринчи Airbus А320neo лайнери 2019 йил 11 март куни Ўзбекистонга келтирилган ва рейсга туширилган эди.
Изоҳ (0)