Xiaomi компанияси ўзининг янги гаджетини — атрофдаги овозга мослашиб, рангини ўзгартиришга қодир стол лампасини тақдим этди, деб хабар беради Gizmochina.
Бир нечта лампаларни ўзаро бирлаштиришдан ҳосил бўлган қурилмани девор ёки шифтга илиб қўйиш мумкин. Геймерлар учун мусиқий ритм мавжуд бўлиб, у ўйин овозига қараб рангини ўзгартиради. Бу геймернинг ўйин жараёнига янада киришиб кетишига ёрдам беради.
Бундан ташқари, гаджет овозли ёрдамчини ҳам қўллаб-қувватлайди, 16 миллион хил рангни ҳосил қила олади ва уни дастур орқали бошқариш мумкин. Шунингдек, овознинг баланд-пастлигини созласа ҳам бўлади.
Гаджет қачондан бошлаб сотувга чиқиши номаълум, уни 15 доллар эвазига харид қилиш мумкин бўлади, тўққизта лампадан иборат жамланмаси эса 107 доллар туради.
Аввалроқ Xiaomi «учтаси бирда» фонарини, энг арзон электроскутерни, бармоқ изи сканерига эга блокнотни тақдим этганди.
Изоҳ (0)