Xiaomi kompaniyasi o‘zining yangi gadjetini — atrofdagi ovozga moslashib, rangini o‘zgartirishga qodir stol lampasini taqdim etdi, deb xabar beradi Gizmochina.
Bir nechta lampalarni o‘zaro birlashtirishdan hosil bo‘lgan qurilmani devor yoki shiftga ilib qo‘yish mumkin. Geymerlar uchun musiqiy ritm mavjud bo‘lib, u o‘yin ovoziga qarab rangini o‘zgartiradi. Bu geymerning o‘yin jarayoniga yanada kirishib ketishiga yordam beradi.
Bundan tashqari, gadjet ovozli yordamchini ham qo‘llab-quvvatlaydi, 16 million xil rangni hosil qila oladi va uni dastur orqali boshqarish mumkin. Shuningdek, ovozning baland-pastligini sozlasa ham bo‘ladi.
Gadjet qachondan boshlab sotuvga chiqishi noma’lum, uni 15 dollar evaziga xarid qilish mumkin bo‘ladi, to‘qqizta lampadan iborat jamlanmasi esa 107 dollar turadi.
Avvalroq Xiaomi “uchtasi birda” fonarini, eng arzon elektroskuterni, barmoq izi skaneriga ega bloknotni taqdim etgandi.
Izoh (0)