Америка компанияси девор ортида ҳам нима борлигини суратга олишга қодир сунъий йўлдошни учирди

Американинг Capella Space компаниясининг шу йилнинг август ойида Rocket Lab Electron ракетаси орқали учирилган Sequoia сунъий йўлдоши томонидан олинган суратларни эълон қилди. Суратларни олишга булутлар ва айрим биноларнинг деворлари ҳам тўсқинлик қила олмаган. Ташкилотнинг янги платформасида бу каби суратларни давлат ёки хусусий мижозлар олиши мумкин, деб хабар беради Esquire.

Суратларда битта пиксел 50х50 сантиметр ўлчамдаги квадратга тенг келади. Бу каби тиниқликка эга сунъий йўлдош тасвирлари тижорий бозорда биринчи бор пайдо бўлди. Шу билан бирга, таъкидланишича, компаниянинг бундан ҳам кучли маҳсулоти мавжуд, бироқ улар ёрдамида олинган суратларни ҳозирча фақат АҚШ ҳукуматидаги мижозларга сотишга рухсат этилган.

Capella Space’ни яратишда ностандарт оптик камералар, объектга радиосигнал ва интерпретацияли маълумотларни юборувчи синтезирлашган апретудали радардан фойдаланади. Бу сунъий йўлдошга кун ва об-ҳавонинг исталган вақтида булутлар ва айрим бинолар деволарни «тешиб ўтиб» кўришга имкон беради.

Эълон қилинган суратларнинг бирида самолётлар тураргоҳи тасвирланган. Компания ушбу суратда ўлчами экипаж кабинасидек келадиган майда деталларни ҳам ошкор этишга муваффақ бўлган. Шу билан бирга, Capella Space мижоз талаб қилган исталган жойнинг суратларини сота олмайди — қонунлар билан маълум чекловлар ўрнатилган.