Nokia компанияси Ҳиндистон бозори учун PureBook Х14 ноутбугини тақдим этди. У Walmart’га тегишли Flipkart компанияси билан ҳамкорликда яратилган, деб хабар беради TechCrunch.
Янги қурилма 14 дюймли Full HD сифатни қўллаб-қувватловчи дисплей, 512 гигабайт NVMe SSD, 8 гигабайт DD4 тезкор хотира ҳамда Intel UHD 620 видеокарта билан жиҳозланган.
Экраннинг корпусга нисбати 86 фоизни ташкил этади, экраннинг бурчак оғиши — 178 даража.
Девайсда овоз учун Dolby Atmos’ни қўллаб-қувватловчи динамиклар жавоб беради. Windows Hello ёрдамида юзни таниш функцияси ишлайди.
Nokia PureBook Х14 оғирлиги 1,1 килограммни ташкил этади. Ишлаб чиқарувчи ноутбук бир марта қувватланиш орқали саккиз соат ишлай олишини ваъда қилмоқда. Ноутбукнинг бошланғич нархи 815 доллар.
Эслатиб ўтамиз, Nokia компанияси бундан 10 йиллар олдин ўзининг биринчи ва охирги нетбуки — Booklet 3G’ни тақдим этганди.
Аввалроқ Nokia ўзининг янги ихчам смартфонини намойиш этганди.
Изоҳ (0)