Google Photo оддий суратларни уч ўлчамли оламга айлантиришни бошлади

Google Photo стандарт суратларни «кинематографик кадрлар»га айлантиришга қодир янги функцияни ишга туширди, деб хабар беради Hi-Tech.Mail.ru.

Янги тасвирни яратиш учун сунъий интеллект технологиясидан фойдаланилади. Алгоритмлар дастлабки тасвирни таҳлил қилади ва тасвирланган саҳнанинг уч ўлчамли кўринишини яратиш учун унга мос келадиган оптимал чуқурлик майдонини танлаб олади. Таъкидлаш керакки, мазкур технология сурат ёки камера ҳақида ҳеч қандай маълумот бўлмаса ҳам ишлайверади.

Компаниядагиларнинг таъкидлашича, «кинематографик кадрлар» автоматик равишда Photo сервисининг ўзида яратилаверади. Улар «Хотиралар» (Memories) бўлимида пайдо бўлади ва фойдаланувчилар уни томоша қилиши мумкин. У ерда оддий суратлар ўрнига барқарор панорамали эффектга эга анимация намойиш этилади — кинода худди шундай кўрсатилади, статик саҳналар ва объектлар «ҳаракатланаётгандек» кўринади, шунингдек, улар катталашади ва тиниқлашади.

Статик суратда технологиянинг ишлаш принципини яхши тушуниб олиш қийин, бироқ у оддий ва қайта ишланган суратларни таққослаш орқали фарқларни кўрсатиб беришга қодир.

Чап тарафда стандарт кадр тасвирланган, ўнг тарафда — алгоритм томонидан таҳрирлангани. Қизалоқнинг атрофидаги фон, айрим жойлардаги майда деталлар ҳам кўзга ташлангани сабаб у тиниқроқ кўриниш олган. Сурат фойдаланувчига «сузиб чиқаётгандек», 3D эффекти яхшироқ кўринган.

Ҳозирча мазкур функциядан фақат айрим инсонлар фойдалана олади, бироқ компаниядагилар тез орада у Google Photo’нинг барча фойдаланувчилари учун ишга туширилишини ваъда қилмоқда.

Аввалроқ Google қўшиқларни ҳуштак ва хиргойи орқали қидиришни «ўрганиб олгани» тўғрисида хабар берилганди.