Иннополис университетининг Нейрофан ва когнитив технология лабораторияси ходимлари ноодатий майкани яратди. Майка мушаклар фаоллигини датчиклар ёрдамида қайд этиб, бажарилган машқлар тўғрисида маълумотларни йиғади, деб хабар беради Hi-Tech.Mail.ru.
Таъкидланишича, майка елкадаги асосий мушаклар фаоллигини яхшироқ кузатади, бироқ тизим бутун тана мушаклари ишини таҳлил қилишга ўргатилмоқда.
Олимлар гуруҳи «ақлли» майка ёрдамида олинган маълумотлар қанчалик аниқлигини синовдан ўтказиш учун трамплиндан сакраш бўйича спортчилар, шунингдек, гимнастлар орасида текшириб кўрди. Олинган маълумотларга кўра, уларнинг машғулотлари ёмон эмас. Тажрибанинг кўрсатишича, ушбу маълумотлар ёрдамида машқларни бажаришдаги хатоликларни аниқлаш мумкин.
«Ҳозирча қишги спорт турлари — биатлон, трамплиндан сакрашга кўпроқ эътибор қаратмоқдамиз, чунки спортнинг ушбу соҳасида бу каби ихтироларга талаб бор. Ҳали спортчилар билан ҳам синовлар ўтказамиз. Лойиҳа қуруқликдаги ва сувда спорт турлари учун ҳам мўлжалланган», — дейди лаборатория раҳбари Александр Храмов.
Ҳозирда тадқиқотчилар барча машқларни бажаришни оптималлаштиришга ёрдам берадиган интеллектуал тизимни яратиш мақсадида майка устида тажрибалар ўтказишни давом эттирмоқда. Майка ёрдамида спортчига ҳақиқий мураббий керак бўлмайди — ҳаракатлар тўғрилигини буюм кузатади. Бироқ ҳозирча бу баҳсли қарор ҳисобланади: ихтиро барибир машқлар пайтида ёрдам кўрсатадиган ҳақиқий мураббий ўрнини эгаллай олмаса керак.
Мавзуга доир: Тетрис ўйинини ўйнаш мумкин бўлган футболка яратилди
Изоҳ (0)