«Ҳеч нарса демасдан ўз столини 40 дақиқа кутди». Криштиану Роналдунинг майдон ва унинг ташқарисида мутлақ чемпион эканлиги ҳақида кичик ҳикоя

Криштиану Роналду боришни хуш кўрадиган ресторан эгаси португалиялик футболчининг узоқ вақт давомида рафиқаси ва ўғли билан бирга захира столида ўтириб, ўз навбатини кутгани ҳақида ҳикоя қилиб берди.

Барча жойлар банд, бўш столлар йўқ эди. Бироқ «Ювентус» юлдузи тушкунликка тушмаган ҳолда бошқаларга бўлган ҳурматини намойиш этди.

«Бир куни кечқурун Криштиану мендан кечки соат 21:00 га 3 кишилик столни банд қилиб қўйишимни сўради. Ҳеч қандай иккиланишларсиз унинг таклифини қабул қилдим. Аммо дарҳол ‘энди нима қилсам экан?’, деб ўйлай бошладим. Чунки ресторан аллақачон тўлиб бўлганини билардим, аммо вақтни ҳисобга олган ҳолда агар у (Роналду) соат 19:00 да буюртма берган бўлса, демак 21:00 га қадар кимдир кетса керак деб ўйладим».

Роналдунинг Туриндаги севимли Cаса Фиоре ресторани эгаси футбол юлдузининг шахсиятини намоён қиладиган қизиқ воқеани айтиб берди.

«Мен ўзимни тинчлантириш учун яқин атрофдаги ресторандан стол олиб келтириб, уни бурчакка захира жойи сифатида ўрнатдим. Криштиану, Жоржина ва унинг ўғли соат 20:00 да келди. Мижозларнинг барчаси ҳайратда эди, ҳеч ким гапирмаётганди ҳам. Энг муҳими улар энди кетишни хоҳламай қолганди. Шунинг учун мен Криштиануни захира столига ўтиришга таклиф қилдим, вақт ўтиб борарди, аммо ҳеч ким кетишни истамасди».

Ўша вақтда кўпчилик дунёнинг энг кучли футболчиларидан бирини ушбу ноқулайлик ақл оздиради деб ўйлаганди, аммо воқеа умуман бошқача якун топди.

«Криштиану ғазабланмади, рафиқаси ва ўғли ҳам мамнун эди. Ўша пайтда мен Роналдунинг дунё юлдузи ва жаҳоннинг энг яхши футболчиси бўлишдан ташқари ҳурматли инсон эканлигини ҳам англаб етдим.

Сизни ишонтириб айтаманки, мен бундай вазиятда такаббур ва машҳурлик борасида Роналдудан анча орқадаги одамларнинг беш дақиқа ҳам кутмасдан кетиб юборганини кўп маротаба кўрганман. Криштиану эса ҳеч нарса демасдан 40 дақиқа ўз столини кутди».

Айнан мана шу биргина эпизод Роналдунинг майдон ва унинг ташқарисида мутлақ чемпион эканлигини яна бир бор тасдиқлади.

«У ҳақиқатан ҳам яхши инсон. «Атлетико»га қарши ўйиндаги (Чемпионлар Лигаси доирасида 2019 йилда ўтказилган учрашув) ҳет-трикдан олдин у мендан исмимни сўради ва беллашувдан кейин имзоси туширилган иккита либосини совға қилди. У юраги катта, яхши одам», – дейди ресторан эгаси.

Буюклик оддийликда деганлари шу бўлса керак. Шунчаки браво, Криштиану Роналду!