Tesla ва SpaceX асосчиси Илон Маск 8 декабрь куни Starship космик кемасини яратиш ва янги Tesla электромобиллар заводини қуришга эътибор бериш учун Калифорниядан Техасга кўчиб ўтганлигини маълум қилди. У бу ҳақда The Wall Street Journal бош муҳаррири Мэтт Мюррей билан видеосуҳбатида айтиб ўтди.
Суҳбат вақтида Маск Американинг бошқа компаниялари раҳбарларини ўз маҳсулотларига етарлича эътибор бермасликлари учун танқид қилди ва ўзини олдинги чизиқда ҳаракат қилувчи генерал билан тенглаштирди.
«Агар сиз уруш қилмоқчи бўлсангиз, генерални қандайдир фил суягидан қилинган минорада кўришни хоҳлайсизми ёки олдинги чизиқдами? Қўшин генералнинг олдинги чизиқда эканини кўрса, қаттиқроқ жанг қилади», – дейди Илон Маск.
Суҳбат давомида тадбиркор Кремний водийси дунёга жуда катта таъсир кўрсатаётганини айтди, аммо бир мунча вақт ўтгач, унинг фикрига кўра, бу таъсир вақт ўтиб камаяди.
Маълумот учун 4 декабрь куни CNBC Илон Маск Техасга кўчиб ўтишга қарор қилгани ҳақида хабар берди, аммо яқин вақтгача тадбиркор буни тасдиқламади.
The Wаll Street Journal ва Reuters Маск солиқлар туфайли Калифорниядан Техасга кўчиб ўтган бўлиши мумкин, деб тахмин қилди. Калифорния Қўшма Штатлардаги шахсий даромад солиғи бўйича энг юқори кўрсаткичлардан бирига эга штат ҳисобланади. Техасда эса даромад солиғи олинмайди.
Мавзуга доир:
Изоҳ (0)