Бугун,

  • USD 11095.31
  • RUB 173.84
  • EUR 10772.44

Вазирлар Маҳкамаси қарори билан Тошкент тўқимачилик ва енгил саноат институти ректори тайинланди. Бу ҳақда Олий ва ўрта махсус таълим вазирлиги хабар бермоқда.

Фото: Олий ва ўрта махсус таълим вазирлиги матбуот хизмати

Фото: Олий ва ўрта махсус таълим вазирлиги матбуот хизмати

Ҳукуматнинг 2020 йил 24 ноябрдаги тегишли қарорига мувофиқ Илҳом Собиров Тошкент тўқимачилик ва енгил саноат институти ректори лавозимига тайинланди.

Илҳом Собиров 1974 йилда туғилган, маълумоти олий, 1996 йилда Тошкент тўқимачилик ва енгил саноат институтини тамомлаган. Техника фанлари доктори, профессор. У 2020 йилдан ушбу институтда фаолият кўрсатиб келади.

Тошкент тўқимачилик ва енгил саноат институтига 2018 йилдан ректорлик қилиб келган Баҳодиржон Онорбоев ҳукуматнинг 2020 йил 10 июлдаги қарори билан Вазирлар Маҳкамасининг Таълим, соғлиқни сақлаш, маданият, ёшлар, маънавият ва жамоат ташкилотлари, маҳалла ва оилани қўллаб-қувватлаш масалалари котибиятининг мудири этиб тайинланган.

Илҳом Собиров ректор этиб тайинлангунга қадар ушбу вазифани Холида Камилова бажариб келган.

Аввалроқ Алишер Шодмонов Тошкент тиббиёт академияси ректори этиб, Сарвар Бобохўжаев ТАТУ ректори этиб, Комилжон Каримов Жаҳон иқтисодиёти ва дипломатия университетининг ректори этиб тайинлангани хабар берилган эди.

Изоҳ
Асосий янгиликлар
Маҳаллий
Ўзбекистон конларида захира камайиб бораётгани ортидан табиий газ қазиб чиқариш режаси бажарилмаяпти
Дунё
Тожикистон ва Қирғизистон фуқаролари ўртасида чегарада жанжал содир бўлди
Маҳаллий
Нукусда -16,2 даража совуқ қайд этилди