АҚШ куч тузилмалари вакиллари Дональд Трампнинг президентлик давридаги сўнгги кўрсатмаларига саботаж эълон қилишни ният қилган сўнгги икки ойга тайёргарлик кўрмоқда. The Financial Times газетаси бу ҳақда АҚШ ҳуқуқ-тартибот идораларидаги манбаларига таяниб ёзмоқда, деб хабар берди «РБК».
The Financial Times’нинг таъкидлашича, АҚШдаги сайловнинг дастлабки натижалари Трамп учун сўзсиз мағлубиятни кўрсатганига қарамай, у куч тузилмаларидаги ушбу ўзгариш фонида ҳокимият учун курашни давом эттирмоқда. «Трампнинг сайловдан кейинги ишдан бўшатишлари ва сиёсатдаги ўзгаришлар расмийларни мамлакатнинг муҳим мудофаа ва разведка инфратузилмасини унинг президент лавозимидаги сўнгги шов-шувларидан ҳимоя қилиш учун 60 кунлик якуний операцияни бошлашга ундади», — деб ёзган газета.
«Одамларни ўнг ва чапдан ишдан бўшатмоқда; агар сиз ишдан бўшатилмасангиз, сиз бурчакка суриласиз», — дейди куч тузилмаларидаги вазиятни тавсифловчи мудофаа вазирининг собиқ махсус ёрдамчиси Пол Гебхард.
9 ноябрь куни Трамп АҚШ мудофаа вазири Марк Эспернинг ишдан бўшатилишини эълон қилди. Axios’нинг маълумотларига кўра, президент ва Пентагон раҳбари ўртасидаги муносабатлар 2020 йилнинг ёзида Black Lives Matter ҳаракати намойишларига қарши чиқишлар пайтида ёмонлашган. Трамп намойишни бостириш учун фаол хизматдаги ҳарбий хизматчиларни ишлатиш ниятида эканлигини айтган ва Эспер эса унинг фикрига қўшилмаган. Axios ўз манбаларига асосланиб, мудофаа вазиридан ташқари, Федерал қидирув бюроси (ФҚБ) директори Кристофер Рей ва Марказий разведка бошқармаси раҳбари Жина Хаспел ҳам ишдан бўшатилиши мумкинлиги ҳақида ёзган. 13 ноябрь куни Reuters Трамп АҚШ Киберхавфсизлик ва инфратузилма хавфсизлиги агентлиги (CИSА) директори Кристофер Кребсни ҳам ишдан бўшатишни режалаштираётганини ёзган: агентликнинг хабар беришича, президент сайлов пайтида агентлик дезинформацион веб-сайт яратганидан норози бўлган, сайт президентнинг бир қатор баёнотларини рад этган.
The Financial Times’нинг қайд этишича, Трамп президентликдан яқин вақт ичида кетишига қарамай, унинг тарафдорлари орасида ҳам оммабоп бўлмаган бир қатор ташаббусларни илгари суришда давом этмоқда. Хусусан, АҚШ армиясининг Афғонистон ва Ироқдан тўлиқ чиқарилиши ва Ямандаги ҳусийлар ҳаракатига қарши санкциялар қўлланилиши. Расмийлар фикрича, бу тинчлик жараёнини мураккаблаштириши мумкин. Бундан ташқари, The New York Times газетаси Трамп ўз маслаҳатчилари билан 12 ноябрь куни Эроннинг Нетенз шаҳри яқинидаги ядро иншоотига ҳужум қилиш тўғрисида маслаҳатлашгани ҳақида хабар берган. Давлат котиби Майкл Помпео ҳам, штаб бошлиқлари бирлашган қўмитаси бошлиғи генерал Марк Милли ҳам Трампга қарши чиққан ва улар Трампни бу тўлақонли ҳарбий низога олиб келиши мумкинлиги ҳақида огоҳлантирган. Бироқ, NYT маълумотларидан кўриниб турибдики, бу айнан Трамп излаётган нарса бўлиши мумкин: нашрнинг ёзишича, у кетганидан кейин Теҳрон билан муносабатларни тиклаш жараёнини мураккаблаштириш мақсадида Жо Байденга учун атайлаб Эрон билан муносабатларни бузмоқчи.
Ҳарбийлар Трампнинг бундай «бузғунчи» ҳаракатларини саботаж қилмоқчи, дея хулоса қилади The Financial Times, шу жумладан Афғонистондан қўшинларни олиб чиқиш жараёнида. «Ҳарбийлар бирон бир нарсани тўхтатмоқчи бўлганида секинлашишни жуда яхши билади», — деди нашрга Жорж Буш маъмуриятидаги собиқ мудофаа маслаҳатчиси Дов Закхайм. Унинг фикрига кўра, ҳарбийлар белгиланган муддатларни бузиш ва қўшинларни АҚШга эмас, шунчаки қўшни давлатга кўчириш учун қурилмаларни ташиш ва базаларни ёпиш билан боғлиқ баъзи логистик қийинчиликларни кўрсатиши мумкин. Агар қарор бекор қилинса, бу уларнинг қайтиб келишини осонлаштирар эди.
The Financial Times ушбу маълумотни расман тасдиқламаган, аммо нашрнинг таъкидлашича, АҚШ Мудофаа вазирлигига Афғонистондан қўшинларни олиб чиқиш жараёни тўғрисида сўров юборганида, йилнинг шу даврида Афғонистонда об-ҳаво «мураккаб» эканлиги айтилган, бу эса баъзи қурилмаларнинг кўчирилишини кечиктириши мумкин.
Изоҳ (0)