АҚШнинг амалдаги президентининг ўғли кичик Дональд Трамп коронавирусга чалинди. Шундан сўнг, у ўзини яккалаш режимига ўтган, деб ёзади Bloomberg.
Манбаларнинг сўзларига кўра, бу ҳафта бошида содир бўлган. Кичик Трампнинг вакилларини айтишича, унда коронавирус инфекциясининг бирор белгилари кузатилмаган.
«Ҳозирга қадар унда белгилар кузатилмади ва у шифокорларнинг коронавирусни даволаш бўйича тавсияларига амал қилмоқда», — дейилади хабарда.
Эслатиб ўтамиз, Дональд Трампда 1 октябрь куни коронавирус аниқланганди. АҚШ президенти бир неча кун касалхонада даволанган ва у ердан 5 октябрь куни чиққан. Сентябрь ойининг ўрталарида АҚШ президенти коронавирусга қарши вакцинанинг мамлакат аҳолиси ўртасида кенг тарқатиш октябрь ойидан бошланишини маълум қилганди. Ноябрда эса у америкаликлар коронавирусга қарши АҚШда яратилган вакцинадан кейинги йилнинг апрелидан бошлаб фойдаланиши мумкин бўлишини айтган.
Изоҳ (0)