Фото: Тошкентнинг Амир Темур шоҳ кўчасида ҳам ердаги музламалар сабаб узундан-узоқ тирбандликлар
2020 йил 18 ноябрь куни ёғган қор натижасида Тошкент шаҳрининг машиналар оқими катта бўлган кўчаларида тирбандликлар юзага келди. Тушдан кейин бошланган ва «Яндекс.Тирбандликлар» иловаси 10 балли деб баҳолаган ноқулайликлар кечки тиғиз пайт вақтида ҳам кузатилган.
Юнусобод туманидаги Амир Темур шоҳ кўчасида Бодомзор метро бекати яқинидаги чорраҳадан Шаҳристон чорраҳасигача бўлган узоқликда ердаги музламалар туфайли тирбандликлар юзага келган. Тошкент телеминораси яқинидаги қайрилиб олиш нуқтасидаги ҳайдовчилар ҳам Шаҳристон чорраҳаси томонга қайрилиб олишда муаммоларга дуч келган.
Тошкент шаҳрининг бошқа марказий кўчаларида ҳам тирбандликлар юзага келган.
Тошкент шаҳрининг Учтепа туманидаги чорраҳалардан бирида музламалар сабаб юзага келган тирбандликлар волонтёрлар томонидан бартараф этилгани ҳақида хабар берилган. Шунингдек, Чилонзордаги Бундёкор шоҳ кўчасида километрли тирбандликлар кузатилганди.
Мавзуга доир: Чана учган болалар, сайрга чиққан оилалар, сумалакли тарновлар. Тошкентда ёғган илк қорнинг тунги манзаралари
