Ўзбекистонда 2020 йилнинг ўтган 10 ойи мобайнида 238 мингдан ортиқ енгил автомобиль ишлаб чиқарилган. Бу ҳақда Давлат статистика қўмитасининг январь—октябрь ойларида йирик саноат корхоналари томонидан айрим турдаги саноат маҳсулотларини ишлаб чиқариш ҳажмига оид маълумотларда келтирилган.
Маълумотларга кўра, мамлакатда енгил автомобиллар ишлаб чиқариш ҳажми ошган. 2019 йилнинг шу даврида 218 912 дона енгил автомобиль ишлаб чиқарилган бўлса, 2020 йилда — 238 868 дона.
Автомобиль ишлаб чиқариш саноатида 2020 йил январь—октябрь ойлари ишлаб чиқарилган автомобиллар ҳажми қуйидагича:
- Nexia Т-250 — 57 694 дона;
- Cobalt — 66 481 дона;
- Lacetti-Gentra — 41 799 дона;
- Damas — 44 076 дона;
- Spark — 21 757 дона;
- Labo — 7061 дона.
Автомобиль двигателларини ишлаб чиқариш эса кўпайган. 2019 йилда 165,4 минг дона двигатель чиқарилган бўлса, 2020 йилда — 192,6 минг.
Аввалроқ UzAuto Motors талаб юқорилиги сабаб уч турдаги моделларни — Nexia АТ, Spark АТ ва Damas ишлаб чиқаришни оширгани тўғрисида хабар берилганди.
Изоҳ (0)