Тошкент шаҳрида рўйхатда турувчи Lacetti ўтган 10 ой мобайнида Тошкент вилояти ҳудудида тезлик билан боғлиқ 36 маротаба қоидабузарлик содир этган. Бу ҳақда вилояти ЙҲХБ ахборот хизмати «Дарё»га маълум қилди.
Маълумотларга кўра, ҳайдовчи аҳоли яшаш (5.22 йўл белгиси ўрнатилган) жойида чекланган тезлик 70 км/соат бўлишига қарамасдан, ушбу ҳудуддан юқори тезлиги 140 км/соат, паст тезлиги эса 80 км/соат билан ҳаракатланган.
Натижада, тезликни 36 маротаба меъёридан ошириш 35 457 000 сўм жарима белгиланишига сабаб бўлган.
Шунингдек, таъкидланишича, Қашқадарё ва Самарқанд вилоятидан рўйхатдан ўтган Nexia русумли автомобиллар ҳам аҳоли яшаш жойида соатига 100 километрдан кам бўлмаган тезликда ҳаракатланиб, 12 мартадан қоида бузган. Аниқланган қоидабузарликлар юзасидан ўрнатилган тартибда жарималар белгиланган.
Аввалроқ Тошкент вилоят ҳудудида 2020 йил бошидан буён ҳозирги кунга қадар фоторадарлар орқали жами 457 828 та тезликни меъёридан ошириб, транспорт воситасини бошқарганлик ҳолатлари аниқлангани тўғрисида хабар берилганди.
Изоҳ (0)