Буюк Британияда кимлигини ошкор қилмаган коллексионер Silverstone Auctions аукциони орқали ноёб лотни — 118 йил олдинги «О 10» автомобиль рақамини сотиб олди. Бирмингем тарихидаги ўнинчи автомобиль рақами учун харидор 170 минг доллар тўлаган, деб хабар беради Motor.
«О 10» рақамининг тарихи 1902 йилда бошланган. Қадимий рақамнинг биринчи эгаси британиялик Чарльз Томпсон бўлиб, у Бирмингем шаҳрида автомобиль рақамини харид қилган ўнинчи одамга айланган. Чарльзнинг ўлимидан сўнг, 1955 йилда эксклюзив рақам унинг ўғли — Барри Томсонга, ундан кейин эса ҳозирги сотувчига — Чарльзнинг набирасига мерос бўлиб қолган.
118 йиллик тарихи давомида «О 10» рақами 1960 йилларги Austin А35, 80 йилларнинг ўрталарига тегишли Ford Cortina, шунингдек, Mini Cooper ва Jaguar Х-Type’га ўрнатилган. 2017 йилда Барри Томпсоннинг ўлимидан сўнг, унинг ўғли эксклюзив автомобиль рақамини оилавий мерос сифатида сақлаб келган. Бироқ орадан уч йил ўтгач, эркак уни сотишга қарор қилган.
Кимлигини ошкор қилишни истамаган коллексионер «О 10» рақами учун 170 минг доллар тўлаган.
Мавзуга доир: БААда автомобиль рақами 3 миллион долларга сотилди
Изоҳ (0)