2020-yil 18-noyabr kuni yog‘gan qor natijasida Toshkent shahrining mashinalar oqimi katta bo‘lgan ko‘chalarida tirbandliklar yuzaga keldi. Tushdan keyin boshlangan va “Yandeks.Tirbandliklar” ilovasi 10 balli deb baholagan noqulayliklar kechki tig‘iz payt vaqtida ham kuzatilgan.
Yunusobod tumanidagi Amir Temur shoh ko‘chasida Bodomzor metro bekati yaqinidagi chorrahadan Shahriston chorrahasigacha bo‘lgan uzoqlikda yerdagi muzlamalar tufayli tirbandliklar yuzaga kelgan. Toshkent teleminorasi yaqinidagi qayrilib olish nuqtasidagi haydovchilar ham Shahriston chorrahasi tomonga qayrilib olishda muammolarga duch kelgan.
Toshkent shahrining boshqa markaziy ko‘chalarida ham tirbandliklar yuzaga kelgan.
Toshkent shahrining Uchtepa tumanidagi chorrahalardan birida muzlamalar sabab yuzaga kelgan tirbandliklar volontyorlar tomonidan bartaraf etilgani haqida xabar berilgan. Shuningdek, Chilonzordagi Bundyokor shoh ko‘chasida kilometrli tirbandliklar kuzatilgandi.
Izoh (0)