Бугун,

  • USD 10940.05
  • RUB 182.26
  • EUR 11121.65

Хитой, Австралия, Япония ва Осиё–Тинч океани минтақасининг яна 12 мамлакати энг йирик эркин савдо зонасини шакллантирди. Келишув Жануби-шарқий Осиё давлатлари ассоциасиясининг (АСЕАН) онлайн-саммитида имзоланган, дея хабар қилди Reuters.

Фото: Reuters

Фото: Reuters

Келишувда «Ҳар томонлама иқтисодий минтақавий ҳамкорлик» зонасини яратиш кўзда тутилган.

Шартномани АСЕАН аъзолари, жумладан, Бруней, Вьетнам, Индонезия, Камбожа, Лаос, Малайзия, Мьянма, Сингапур, Тайланд, Филиппин давлатлари, шунингдек, Хитой, Япония, Жанубий Корея, Австралия ва Янги Зеландия ҳукуматлари имзолаган.

Мазкур давлатларнинг умумий аҳолиси 2,2 миллиардни ташкил қилади ва жаҳон иқтисодиётининг 30 фоизи ушбу мамлакатлар ҳисобига тўғри келади. Келишув доирасида савдо бадалларини тушириш ҳаракатлари амалда бўлади. Бу Япониянинг Хитой ва Жанубий Корея билан бир вақтнинг ўзида имзолаган эркин савдо тўғрисидаги биринчи шартномаси, деб ёзмоқда Nikkei.

Reuters’нинг қайд этишича, ушбу халқаро шартнома АҚШ собиқ президенти Барак Обама илгари сурган дастурга берилган навбатдаги кучли зарба бўлади. 2016 йил февралида Тинч океани минтақаси давлатлари билан трансчегаравий ҳамкорлик келишуви имзоланганди. Ушбу савдо пакти Осия–Тинч океани минтақасида хизматлар ва маҳсулотлар учун божхона бадалларини бекор қилишни кўзда тутган.

Обама ушбу шартномани имзолаганидан бир йил ўтиб навбатдаги президент Дональд Трамп уни бекор қилган ва АҚШ келишувдан чиққанди. Трамп бундай ҳамкорлик мамлакат манфаатларига зид эканини қайд этган.

Изоҳ
Асосий янгиликлар