Озарбайжон Қуролли кучлари Тоғли Қорабоғдаги Шуша шаҳрини назорат остига олди. Бу ҳақда Тоғли Қорабоғ президенти матбуот котиби Ваграм Погосян маълум қилди, деб ёзмоқда Meduza.
«Афсуски, омадсизлик бизни таъқиб қилмоқда ва Шуша шаҳри тўлалигича бизнинг назоратимиз остидан чиқди», — дея тасдиқлаган Погосян.
Шуша шаҳрининг қўлга олингани ҳақида 8 ноябрь куни Озарбайжон президенти Илҳом Алиев маълум қилган. Озарбайжон Мудофаа вазирлиги эса 9 ноябрь куни Шушадан олинган видеони эълон қилган.
https://twitter.com/wwwmodgovaz/status/1325784821961023490
Шуша Тоғли Қорабоғнинг асосий шаҳарларидан бири бўлиб, у пойтахт Степанакерт шаҳридан 11 километр узоқликда жойлашган.
Тоғли Қорабоғдаги Озарбайжон ва Арманистон ўртасидаги можаро 27 сентябрдан бошлаб жиддий тус олди. Икки томон бир-бирини ўт очишда айбламоқда. Минтақада бир неча марта ўт очишни тўхтатиш режими ҳақида эълон қилинди, бироқ бу режим ҳар сафар бузилди.
Изоҳ (0)