Коронавирусга топширилган тест натижалари хато чиқишига тиббиёт ходимларининг ҳам, мижозларнинг ҳам хатти-ҳаракатлари сабаб бўлиши мумкин, деб ёзмоқда «РБК» Россия лабораторияларига таяниб. Аввалроқ мамлакат Соғлиқни сақлаш вазирлиги COVID-19’га топширилган 40 фоизга яқин тестларда сохта ижобий натижа қайд этилганини маълум қилган.
Нашр томонидан сўров ўтказилган тест ўтказиладиган лаборатори вакилларининг фикрича, натижаларнинг нотўғри чиқиши биоматериалнинг нотўғри олиниши ёки ушбу намуналарнинг нотўғри транспортировка қилиниши билан боғлиқ бўлиши мумкин.
Намуна олаётганда шифокорлар ёноқларга, тилга, милкка ва лабларга тегмаслиги керак. Барча зарур воситалар стерил бўлиши, биоматериаллар тегишли шароитларда сақланиши керак.
Тест натижаси, шунингдек, мижознинг тайёргарлигига ҳам боғлиқ. Тест ўтказилишидан бир соат олдин овқатланиш, ичиш, тишларни ювиш, оғзини чайиш, сақич чайнаш ва чекиш мумкин эмас. Бундан ташқари, тестни иложи борича симптомлар аниқлангандан сўнг тезроқ қилиш керак, чунки вақт ўтиши билан биринчи клиник симптомлардан сўнг вирусни аниқлаш эҳтимоли аниқланмайдиган даражада пасаяди.
Аввалроқ ўзбекистонлик иқтисодчи Беҳзод Ҳошимов Сан-Францискодаги Калифорния университети профессори, вирусолог олим Шароф Тугизов билан суҳбат ўтказиб, нима учун коронавирусга олинган тест баъзида нотўғри чиқишини сўраган эди.
Изоҳ (0)