Коронавирус инфекциясига чалинган бемор касаллик белгилари пайдо бўлишидан икки кун олдин ва касалликнинг биринчи кунида максимал даражада юқумли бўлади. Бу ҳақда «Роспотребнадзор» эпидемиологи Наталья Пшничнаяга таяниб, «РИА Новости» хабар берди.
«Белгилар пайдо бўлишидан икки кун олдин ва касалликнинг биринчи куни бемор максимал даражада юқумли бўлади. Ўртача белгилар эса пайдо бўлишидан уч-тўрт кун олдин (камдан кам ҳолларда етти кун) ва касалликнинг дастлабки беш кунида юқумли бўлади», — дейди эксперт.
Унинг таъкидлашича, вируснинг юқиш имконияти вақт ўта боргач камайиб боради.
Пшеничнаянинг сўзларига кўра, инфекция ҳаво-томчи орқали кўпроқ юқади, суҳбат пайтида ҳар бир ҳаво чиққанида 200 дан ортиқ вирус зарралари ажралади. Бундан ташқари, экспертнинг қўшимча қилишича, касалликдан ҳимояланишнинг энг оддий ва самарали усули тиббий ниқобларни тақиш ҳисобланади.
«Ниқоб ёрдамида касал инсон вирусларни тарқатмайди. Шу билан бирга, у вирусли зарралардан нафас олмайди», — дейди мутахассис.
Аввалроқ коронавирус юқтириб олган беморлар касаллик белгилари аниқланганидан кейин 11 кун ўтгач атрофдагиларга COVID-19’ни юқтира олмаслиги тўғрисида хабар берилганди.
Изоҳ (0)